Pathian, Mihring leh Lei chunga thil thleng chungchânga zawhnate

Kan damchhung zawng hian, kan vaiin dam lohna, kum lama upat deuh deuhna leh a tâwpa thihna tawnhriatna kan nei ṭheuh a. Kan thih chuan engmah kan chhawm ṭhin lo. Mi hlawhtling takte pawhin an thih tawh chuan eng nge an neih? Hetiang hunah zet chuan an hlenchhuah sa leh khawlsate chu engmah lo mai a ni a. Mihring nun hi beisei bo mai a ni kan ti mai thei a, chutichung chuan beisei tûr kan zawng tho si. Beiseina kan nghahna tûr mi pakhat, fiahna tinrêng paltlang tawh, chatuana rintlak mi pakhat a awm a—chu chu Pathian a ni. Engtin nge Pathian chu i beiseina a nih theih dân zawng chhuak rawh le.

Buainaah emaw, harsatna dinhmunah emaw hian, mite chu hrilhhai takin emaw, lo hmachhawn dân tûr hre lovin an awm ṭhin a. Chutiang hunah chuan mi tam tak chu an ṭawngṭai a, mahse eng dîlin nge kan ṭawngṭai a, eng angin nge kan ṭawngṭai? Kawng awlsam leh ṭangkai êm êm chu Bible-a kan hmuh angin Lalpa hming koh a ni (Rom 10:13). Kohna chu ṭawngṭai dân kawng bîk pakhat a ni a; Ngenna)emaw, inbiakna narân emaw ni lovin, nung taka min siamtu leh kan thlarau lam chakna vawngṭhatu thlarau lam thâwk la tûra insawizawina a ni.

Mi tam tak chuan muanna neih theihna kawng awmchhun chu kan pawn lam thil thlengte thunun tumna hmangin a ni tiin an ngaihtuah a. Amaherawhchu, a nihna takah chuan kan chhehvela thil thlengte chuan min thunun zâwk a. Pawn lama thil thlengte chu muanawm tak nise tih kan beisei mai thei a, nimahsela chutih a hnêkin kan nun chu muanna zawng leh vawn ṭhat tuma beihnain a khat a ni. Bible chuan nundân kawng danglam daih a hailang thung a; he nundân hi chuan kan chhehvêlah eng pawh thleng se, muanna sâng zâwk, thûk zâwk, daih rei zâwk leh engkim khûm a thlen a ni.

Hengte hi Kristian hnehna nuna nung tûra min puitu tûr kan Kristian lehkhabu indawt ho a thlâwna kan sem thina kan hmuh tawnhriatna pasarih mamawhte chu an ni a. Kan lehkhabu indawt ho hian kan nitin nuna Krista hnehna vawnthat nana min pui thei thil tam tak a sawi a ni.

Khawtlang (human society) hi muanna leh himna min pe tura din a ni a. Muanna leh himna tel lo chuan, hlauhna leh rinhlehnain kan nun kan hmang a ni. Kan sawrkar chuan kan ralmuanna tinghet turin min tiam a; kan hospital leh clinic te chuan kan taksa hriselna leh taksa kaihhnawih thilte vawnhim an tum a, kan bank-te leh financial institution-te chuan kan pawisa khawl leh peipunna atan himna min tiam a. Mahse a tawpah, kan financial institute, kan sawrkar, kan health care system leh thil dang dang kan rinchhante hi eng anga tam chiahin nge kan rin ngam?

Lal Isua he leia a awm lai khân, he sâwmna ṭawngkam pakhat: Lo kal rawh, tih hi a hmang fo va. “Nangni thawkrim leh phurrit phur zawng zawngte u, ka hnênah lo kal ula, chawlhna ka pe ang che u,” (Matt. 11:28). “Naupang tête ka hnêna rawn kaltîr ula … Pathian lalram chu hetiang mite ta a ni si a.” (Mk. 10:14) “Tupawh a tui a hâl chuan, ka hnênah lo kal sela, in rawh se,” (Joh 7:37) tih te. Lalpa chuan chawlhna leh nunna atâna ama hnêna kal tûrin englai pawhin min sâwm reng a ni.

Khawvêlah hian engvânga lo chêng nge i nih a, i nun chhan eng nge tihte hi i ngaihtuah ngai em? He hriatthiam phâk loh thurûk hawnna tûr hian chabi paruk a awm.

Tûn hnaia lei pumpuia coronavirus hrileng ṭaidarhna hian, eng kawng emaw chuan min nghawng ṭheuh a. Mi tam takin an lo chhânletna chu lungkhamna leh hlauhna in a ni a. Nimahsela lo chhanlêt dân kawng dang a awm a—chu chu Pathian zawn a ni!

Khawvêl puma hrilêng te, lirnghing te, thlipui tleh te, tuilêt ang chi chhiatna a thlen apiangin, miten engtikah nge khawvêl a tâwp ang tih an ngaihtuah ṭhin. Hei hi kan ngaihthah theih miah loh zawhna urhsûn tak a ni a. Mi ṭhenkhat chuan thih an hlauh avângin he zawhna hi an zâwt ṭhin. Midangte chuan rorêlsakna nî chu an hlau a, a ṭhenin Pathianin kan awmna hmun chhe tak hi a tihtâwp thuai a, mite chu muanna leh lâwmnaa an nun theih nana a hmangaihna leh felna lalram rawn hruailût tûrin an beisei bawk a.